Pak muaj më parë FIFA dënoi Chelsea me dy sesione të afatit kalimtar (verë 2019 dhe janar 2020) që të mos bëjë asnjë blerje, ndërsa shitjet lejohen, për nënshkrimet e padeklaruara me lojtarë ndërkombëtarë tek ekipet e moshave.

Klubi nga Londra ka apeluar këtë vendim në Komitetin e Ankesave në FIFA. Edhe ky organ ka bërë me dije se mbetet në fuqi vendimi i parë. Masa disiplinore për Chelsean nuk do të ndryshojë: Asnjë nënshkrim me lojtarë meshkuj të ekipeve zinxhirë deri tek U16, me përjashtim skuadrën e femrave dhe atë të futbollit të sallave.

Vendimi i vetëm që ka theksuar ndryshe Komiteti i Ankesave është se Chelsea mund të firmosë me lojtarë nën 16 vjeç nga Britania e Madhe, që do të thotë talentet e rinj mund të afrohet te skuadrat e akademisë, për të afruar një lojtar në skuadrën e parë duhet të dalë ndonjë supertalent nën këtë moshë. Këtë vendim e ka pritur edhe vetë Chelsea, duke qenë se shpresa e vetme e saj është te Gjykata e Arbitrazhit në Lozanë (CAS).

Nuk dihet si do të jetë vendimi nga ky institucion, por klubi londinez beson tek zvarritja e çështjes të paktën deri në shtator, në këtë mënyrë ata do të kenë mundësi t’i bëjnë blerjet e nevojshme në afatin kalimtar të verës dhe të jenë të përgatitur për të mos afruar lojtarë për dy sesionet e ardhshme të afateve kalimtare.