Kryetari i Komunës së Prishtinës, Përparim Rama, ka publikuar fotografi të fëmijëve të çerdheve dhe të nxënësve të shkollave të kryeqytetit të cilët kanë bërë mrekulli me punimet e tyre për 28 Nëntorin.

“Nxënësit kanë përgatitur punime fantastike dhe shfaqje të mrekullueshme artistike për të shprehur dashurinë dhe respektin ndaj flamurit shqiptar. S’ka më mirë se të nisësh ditën me talentët tanë të jashtëzakonshëm dhe me energjinë e tyre pozitive”, ka shkruar Rama në “Facebook”.