Oficerja e Kosovës në DASh, Çitaku dhe Haradinaj-Stublla e shohin si fryt të punës së tyre
Për herë të parë në historinë e raporteve ndërshtetërore, Kosova edhe zyrtarisht do të ketë përfaqësuesen e saj në Departamentin Amerikan të Shtetit (DASh). Një gjë të tillë e ka bërë me dije të martën ambasadori i ri amerikan në Kosovë, Jeff Hovenier.
Në këtë pozitë do të jetë diplomatja Meridiana Leci, të cilën ambasadori Hovenier e ka takuar të martën bashkë me ministren Donika Gërvalla.
Pas një njoftimi të tillë ka reaguar edhe ish-kryediplomatja Meliza Haradinaj-Stbulla dhe ish-ambasadorja e Kosovës në Uashington, Vlora Çitaku.
Haradinaj-Stublla ka thënë se s’ka kënaqësi më të madhe se sa të shohësh frytet e punës së ndershme.
“Nuk ka kënaqësi më të madhe se kur puna e ndershme sjellë frytet e saj! E lumtur që sot po shoh diplomaten e shkëlqyer të Republikës së Kosovës që vitin e kaluar ia kemi besuar detyrën e shërbimit në Ambasadën e Kosovës në Uashington – Meridiana Leci, të jetë përfaqësuesja e parë e Kosovës në Departamentin Amerikan të Shtetit”, ka shkruar Haradinaj-Stublla në llogarinë e vet në “Facebook”.
Edhe ish-ambasadorja Çitaku ka thënë se për një përfaqësim të tillë të Kosovës në DASh kanë negociuar bashkë me ish-ministren Haradinaj-Stublla dhe Lendita Haxhitasimin, ambasadore e Kosovës në San Marino.
Productive discussion with @MFAKosova Gervalla & inspiring to meet Merdiana Leci, Kosovo’s first diplomat to serve as a liaison officer at the @StateDept in Washington. This program will strengthen U.S.-Kosovo understanding & cooperation on shared foreign policy priorities. pic.twitter.com/CXQGGJ66cA
— Ambassador Jeff Hovenier (@USAmbKosovo) January 11, 2022
Nuk ka kënaqësi më të madhe se kur puna e ndershme sjellë frytet e saj! @vloracitaku
E lumtur që po shohim diplomaten e shkëlqyer të @MFAKOSOVO që vitin e kaluar ia besuam detyrën e shërbimit në @KosovoinUS Meridiana Leci, të jetë përfaqësuesja e parë e 🇽🇰 në 🇺🇸 @StateDept. https://t.co/P4a6mDDrKZ pic.twitter.com/h84ycVPNwe
— Meliza Haradinaj (@MelizaHaradinaj) January 11, 2022
Very happy to see this news! As Ambassador I have negotiated the program together with @Amb_LenditaH and @MelizaHaradinaj https://t.co/CDW9YJzkuz
— Vlora Çitaku 🇽🇰 (@vloracitaku) January 11, 2022
