Osmani tha se në akademinë përkujtimore dhe në vizitat tek familjet e tyre, sot u përulëm para sakrificës së tyre, siç tha, duke ripërtërirë zotimin se kujtimi për ta do të jetojë përherë në historinë dhe në ndërgjegjen e shtetit tonë.

“Për ne që u rritëm në Mitrovicë, data e 24 marsit nuk është vetëm një datë përkujtimi. Është edhe kujtesa e forcës së jashtëzakonshme të familjes Hajrizi e familjes Berisha, por edhe e krenarisë që ky qytet i ka dhënë Kosovës burra e gra që nuk u përkulën kurrë. Zoti e bekoftë familjen Hajrizi, familjen Berisha dhe Republikën e Kosovës”, ka shkruar Osmani.