Presidentja Vjosa Osmani po qëndron në Sofje të Bullgarisë ku po mbahet Procesi i Aqaba, nikoqirë të të cilit janë presidenti bullgar Rumen Radev dhe Mbreti Abdullah i Jordanisë.

Presidenti i Serbisë, Aleksandar Vuçiq, ka thënë se Osmani do t’i ngrehë “disa çështje atje”.

“Unë e di që Osmani do të ngrehë disa çështje sepse këtu nuk ka flamuj apo simbole, madje edhe kravatat janë të ndaluara si pjesë e imazhit të samitit në Akaba, dhe jam i sigurt për çështjet që ajo do të ngrehë. Por ne kemi një delegacion të mirë dhe do t’i shtrojmë çështjet tona. Gjëja më e rëndësishme është ta ruajmë paqen dhe stabilitetin dhe të shohim se si mund të ecim përpara” ka thënë Vuçiqi.