Presidentja Vjosa Osmani është duke qëndruar për vizitë zyrtare në Uashington të Shteteve të Bashkuara të Amerikës.

Në një postim në “Facebook”, ajo ka deklaruar se është takuar me ndihmëssekretarin e Shtetit në detyrë, Brendan Hanrahan, në Departamentin e Shtetit.

Osmani ka thënë se me Hanrahan kanë ritheksuar përkushtimin për thellimin e partneritetit strategjik midis Kosovës dhe Shteteve të Bashkuara.

“Kosova është e gatshme ta avancojë bashkëpunimin me ShBA-të në fusha kyçe si mbrojtja, ekonomia, si dhe investimet strategjike me interes të ndërsjellë”.

“Qëndrojmë krah për krah me ShBA-të në vlera, në vizion dhe në veprim”, ka shkruar Osmani.