Presidenca turke ka paralajmëruar një takim i cili pritet të zhvillohet nesër (e martë) në mes të presidentes së Kosovës, Vjosa Osmani dhe homologut të saj turk, Rexhep Taip Erdogan.

Në njoftimin e bërë në ueb-faqen e presidencës turke është thënë se Osmani po qëndron në Turqi me ftesë të presidentit Erdogan.

“Do të adresohen të gjitha aspektet e marrëdhënieve bilaterale ndërmjet Turqisë dhe Kosovës si dhe do të shkëmbehen pikëpamje për të çuar përpara bashkëpunimin bilateral”, është thënë në njoftim.

Më tutje është thënë se në vizitën e parë zyrtare të Osmani në Turqi do të diskutohen zhvillimet aktuale bilateral dhe ato në Ballkan.