Trupat ruse kanë marrë centralin bërthamor të Zaporizhzhia, thonë autoritetet ukrainase, shkruan BBC, përcjell Telegrafi.

“Personeli operativ po monitoron gjendjen e njësive të energjisë”, citohet të ketë thënë një autoritet lokal në mediat sociale.

Ndryshe, një zjarr shpërtheu në central më herët – më i madhi në Evropë – pas një sulmi me granata nga rusët.

Ai akuzoi rusët se qëllimisht qëlluan reaktorët e uzinës Zaporizhzhia duke përdorur tanke të pajisur me imazhe termike.

Duke kujtuar “katastrofën globale” në Çernobil në vitin 1986, ai paralajmëroi se pasojat e një “shkrirjeje” në Zaporizhzhia do të ishin shumë më të këqija.

Zelensky tha se ai kishte qenë në kontakt me liderët nga SHBA, Britania e Madhe, BE, Gjermania dhe Polonia, si dhe me Agjencinë Ndërkombëtare të Energjisë Atomike, por u bëri thirrje qytetarëve të zakonshëm që të ngrenë alarmin edhe me politikanët e tyre.