Pakoja e ringjalljes ekonomike – Qeveria ndan mbi 7mln euro për sektorin publik

27 prill 20:02

Në mbledhjen elektronike të mbajtur sot, Qeveria e Kosovës ka marrë vendim për ndarjen e 7 milionë e 300 mijë eurove për shtesat prej 100 eurosh për punëtorët e sektorit publik.

“Mjetet e ndara do të merren nga nën-programi “Programi i Ringjalljes Ekonomike” dhe ndahen për zbatimin e shtesës prej 100 Euro për punonjësit e sektorit publik që marrin pagë nga buxheti i shtetit”, thuhet në njoftim.

“Qeveria në mbledhjen elektronike të zhvilluar sot ka miratuar kërkesën e Ministrisë së Financave, Punës dhe Transfereve për ndarjen e mjeteve buxhetore për zbatimin e Pakos së Ringjalljes Ekonomike për masën 3.6 – Mbështetja e likuiditetit familjar. Sipas këtij vendimi ndahen mjete buxhetore në shumë prej 7.300.000,00€ (shtatë milionë e treqind mijë euro), për zbatimin e pikës 1.4 të Vendimit të Qeverisë Nr. 10/69, të datës 13.04.2022, si masë për shtimin e mbështetjes për qytetarët e Republikës së Kosovës, Masa 3.6 – Mbështetja e likuiditetit familjar të Pakos së Ringjalljes Ekonomike”, thuhet tutje në njoftimin e Qeverisë së Kosovës.

Lajme të sponsorizuara

Të fundit
Në Kuvendin e Shqipërisë kanë filluar lëvizjet e para që…