Ish-zëvendëskryeministri, Haki Abazi para pak çastesh ka dal nga objekti i Qeverisë së Kosovës.

Ai ka thënë se çdo veprim i LDK-së pas 6 tetorit ka qenë mashtrim pas të cilit, fshihet PDK.

“…Çdo veprim prej ditës së 6 tetorit që ka bërë LDK e ka bërë në mashtrim, ndërsa PDK fshihet prapa për ta mbarur sistemin e kapur me bordet me keqpërdorimin e resurseve dhe buxhetit të shtetit”, ka deklaruar Abazi.

I pyetur se a do të dalin në mënyrë demokratike nga zyrat, Abazi është përgjigjur se ata do jenë me qytetarin. Ndërsa, në Kuvendin e Kosovës me 61 vota për është zgjedhur qeveria e re e udhëhequr nga Avdullah Hoti.

Para Kuvendit të Kosovës janë duke protestuar qytetarë të cilët po e kundërshtojnë qeverinë e sapo votuar me kryeministrin e ri, Avdullah Hotin.