Ministri i Jashtëm të Shqipërisë, Gent Cakaj, ka thënë se të enjten në zyrat e sekretariatit të Asamblesë Parlamentare të OSBE-së, ka paraqitur hollësisht shqetësimet, çështjet dhe problemet që ai i ka biseduar me partitë politike shqiptare të Luginës së Preshevës dhe Këshillin Kombëtar Shqiptar në Tiranë e në Prishtinë.

Ai ka njoftuar se pas këtij takimi, është hapur rruga që atje të shkojnë deputetët e Listës së Luginës së Bashkuar, për të shpalosur qëndrimet e tyre politike lidhur me procesin e fshirjes së adresave në Luginën e Preshevës.

“Takime të kësaj natyre janë vetëm pjesë e një përpjekje më të përgjithshme për të rritur ndjeshmërinë e çdo institucioni ndërkombëtar për këtë çështje. Në fakt, çdo institucion ndërkombëtar me përfshirje në këtë çështje do të vihet në dijeni për këtë problem jashtëzakonisht të madh për të drejtat themelore të shqiptarëve në Luginë. Tani, nga Kopenhagën do të nisemi menjëherë në një qendër tjetër evropiane, për t’i dhënë zë e forcë Luginës”, ka shkruar Cakaj në llogarinë e vet në “Facebook”.