Partia Demokratike e Kosovës (PDK) ka reaguar për çmimin e lartë të karburanteve në vendin tonë.

PDK-ja nëpërmjet një reagimi, ka bërë me dije se çmimi i naftës është bërë 2 euro për litër në Kosovë.

“Çmimi i naftës 2 euro për litër në Kosovë: kjo është e vetmja e vërtetë që qytetarët e ndjejnë çdo ditë! Qeveria flet. Arsyetohet. Lavdërohet. Por qytetarët paguajnë”, është thënë në reagimin e PDK-së.

Reagimi i plotë i PDK-së:

Çmimi i naftës 2 euro për litër në Kosovë: kjo është e vetmja e vërtetë që qytetarët e ndjejnë çdo ditë!
Qeveria flet. Arsyetohet. Lavdërohet. Por qytetarët paguajnë.
Çmimi i naftës ka shkuar në 2 euro për litër. Kjo është krizë reale në çdo familje.

Sepse kur rritet çmimi i naftës:
* rritet çmimi i bukës
* rritet çmimi i transportit
* rriten çmimi i produkteve bazike
* rritet çdo shërbim

Dhe kur bie çmimi i naftës?

Asgjë nuk bie. Çmimet mbesin aty ku janë. Sepse shtrejtimi është zinxhir, dhe ky zinxhir po i varfëron qytetarët.

Qeveria nuk është aty për të komentuar situatën. Është aty për të vepruar.

Por çfarë po shohim?
* zero masa konkrete
* zero kontroll të tregut
* zero mbrojtje për qytetarin
* zero vullnet politik

Vetëm konferenca, justifikime dhe propagandë.

Ndërkohë, qytetari po paguan gjithçka më shtrenjtë: me pagë të njëjtë, me jetë më të vështirë, me shpresë më të vogël.
Çmimi i naftës 2 euro për litër nuk është normale. Nuk është e pranueshme. Dhe nuk është e justifikueshme.
Qytetarët kanë nevojë për veprim: sot, jo nesër. Të tjerat janë vetëm fjalë!