Kryetari i Degës së PDK-së në Zvicër, Ragip Xhaka, ka bërë të ditur se gjithë anëtarësia e kësaj dege e mbështet protestën që do të mbahet më 14 shtator 2025, në orën 14:00, në Hagë, e organizuar nga mërgata dhe shoqatat e dala nga lufta çlirimtare.

Njoftimi i plotë i Xhakës:

“Si kryetar i Degës së PDK-së në Zvicër, në emër të degës dhe të gjithë anëtarëve tanë, shpreh mbështetjen e plotë për protestën që do të mbahet më 14 shtator 2025, në orën 14:00, në Hagë, të organizuar nga mërgata dhe shoqatat e dala nga lufta çlirimtare.

Kjo protestë ka për qëllim kundërshtimin e padrejtësive dhe shpifjeve që po bëhen ndaj heronjve të UÇK-së, të cilët luftuan për lirinë dhe pavarësinë e Kosovës. Çdo përpjekje për t’i njollosur ata është një padrejtësi e madhe, prandaj ne jemi të vendosur të mbrojmë nderin dhe dinjitetin e tyre.”