Partia Demokratike e Kosovës (PDK) ka kujtuar 13 civilët e pafajshëm shqiptarë, të cilët janë masakruar nga forcat serbe 26 vjet më parë në fshatin Stagovë të Kaçanikut.

Nëpërmjet një postimi në “Facebook”, kjo parti ka thënë se masakra e Stagovës është në mesin e masakrave më të tmerrshme në Kosovë, për të cilën ish-liderët e regjimit kriminal të Serbisë janë akuzuar nga Gjykata për krime lufte në Ish-Jugosllavi me seli në Hagë, por që askush nuk është dënuar për këtë krim makabër.