Ish-sulmuesi i Kombëtares së Uruguait, Diego Forlan ka konfirmuar pensionimin e tij nga futbolli profesionist.

40-vjeçari për herë të fundit ka luajtur për klubin nga Hong Kongu, Kitchee, derisa ka djersitur edhe fanellat e shumë klubeve evropiane si Interit, Villarrealit, Atletico Madridit dhe Manchester United.

“Nuk ka qenë e lehtë, nuk doja që ky moment të vinte, por unë e dija se një gjë e tillë do të ndodhte. Kam vendosur të mos luaj më futboll si profesionist”, ka thënë Forlan, i cili e nisi karrierën e tij si profesionist me Independiente në Argjentinë.