Ish-ministri i Punëve të Jashtme i Republikës së Kosovës, Enver Hoxhaj, ka thënë se përfshirja e amerikanëve në dialogun Kosovë – Serbi është e domosdoshme.

Deputeti i Partisë Demokratike të Kosovës, Enver Hoxhaj, ka thënë se përfshirja e amerikanëve në dialogun Kosovë – Serbi është e domosdoshme. Ai ka shtuar se asnjë marrëveshje në Ballkan nuk është arritur pa amerikanët.

“Përfshirja e amerikanëve është e domosdoshme në dialog. Nuk ka marrëveshje në Ballkan që është arritur pa përfshirjen e amerikanëve, e sidomos tash në raportin Kosovë – Serbi. Roli i amerikanëve është kyç. Ata janë edhe në Këshill të Sigurimit të OKB-së. Ata mund të na japin mbështetje në OKB”, ka thënë Hoxhaj në RTK.

I pyetur se a mund të ketë marrëveshje në mes të Kosovës dhe Serbisë në vitin 2020, Hoxhaj ka thënë se nuk mund të ndodhë me një takim që e kanë palët, Skender Hyseni me Lajçakun dhe Avdullah Hoti me Aleksandar Vuçiqin. “Nuk mund të ndodhë me një takim që e kanë palët, Hyseni me Lajçakun dhe Hoti me Vuçiqin. Kjo ndodhë nëse partnerët tanë, BE-ja dhe ShBA-ja, kanë vëmendje të merren me këtë çështje. Vëmendja matet nëse ka një datë, një temë, një përpjekje për një marrëveshje finale. Aktualisht kjo nuk është në tavolinë”, ka thënë Hoxhaj.