Ka përfunduar numërimi i votave për deputetë nga radhët e partive politike pas zgjedhjeve të mbajtura më 28 dhjetor.

Sipas rezultateve përfundimtare, janë publikuar emrat e 19 kandidatëve më të votuar të Lidhja Demokratike të Kosovës (LDK), të cilët kanë marrë mbështetjen më të madhe nga votuesit e kësaj partie.

Nga këta kandidatë, LDK në legjislaturën e re të Kuvendit të Kosovës do të përfaqësohet me gjithsej 15 deputetë, prej të cilëve 10 janë burra dhe 5 gra, në përputhje me rezultatin zgjedhor dhe kuotën gjinore.

Emrat e kandidatëve fitues pritet të certifikohen nga organet përkatëse zgjedhore në ditët në vijim, pas përmbylljes së të gjitha procedurave ligjore.