Me përfundimin e fjalimit të Ali Ahmetit, njërit nga themeluesit e UÇK-së, është shpallur e mbyllur edhe protesta kundër gjykimit të ish-krerëve të UÇK-së në Speciale.

Sot në Prishtinë është protestuar “kundër padrejtësisë” nga Dhomat e Specializuara të Kosovës në Hagë ndaj ish-krerëve të Ushtrisë Çlirimtare të Kosovës (UÇK), të cilët po akuzohen për krime lufte dhe krime kundër njerëzit.

Nën organizimin e kategorive të dala nga lufta, mijëra njerëz – nga qytete të ndryshme të Kosovës dhe vendet e rajonit – u mblodhën në sheshin Skënderbeu në Prishtinë, duke kërkuar liri për ish-krerët e UÇK-së.