Prej kohësh përflitej për një lidhje të mundshme të këngëtarit Robert Berisha me një modele të njohur shqiptare.

E modelja e përfolur për këtë lidhje ishte Jessica Kadiu, e cila në shtator të vitit të kaluar kishte thënë se dyshja ndodheshin bashkë në Turqi për një projekt, gjersa nuk ioshin deklaruar për këtë lidhje.

Por sido që të jetë, ajo vendosi që pranimin e kësaj lidhje ta bënte të martën e 25 shkurtit përmes një shkrimi të gjatë të publikuar në InstaStory.

Ajo ka shkruar se është e vërtetë që ishte në lidhje me Robertin dhe se nuk e parasheh si krim ta fsheh një gjë të tillë.

“Po, është e vërtetë që kam qenë në lidhje me Robert Berishën. Nuk e kuptoj pse gjërat duhet fshehur thua se po bëjmë krim. Personalisht mendoj që ka një dallim të madh mes të mbajturit një gjë private dhe të mbajturit një gjë sekrete. Jam totalisht dakord që lidhjen të mbahet private, po nuk mund të qëndroj në lidhje me dikë që më mban sekret. Njerëzit gjithnjë do të paragjykojnë dhe të kërkojnë dikë për të fajësuar. Është diçka që nuk mund të ndalet. Fytyrat publike harrojnë që edhe ata janë njerëz, kanë nevojë për dashuri dhe bëjnë gabime si çdo kush tjetër. Ne kemi një jetë për të jetuar. E nesërmja nuk na premtohet, kështu që unë nuk mund të jetoj një gënjeshtër. Ndoshta jam gabim për këtë por nuk më bëhet vonë. Ne të gjithë mësojmë nga gabimet tona. Jam kjo që jam dhe nuk kam asgjë për të fshehur. Robert, të falënderoj shumë për gjithçka që me kë dhënë këtë vit që shkoi, dhe do doja që gjërat të ishin ndryshe për ne. Ky stil jete shkatërron shumë gjëra të mëdha dhe kënaqësi të jetës. Shpresoj që një ditë gjërat do të ndryshojnë dhe ne mund të jemi bashkë përsëri. Edhe nëse nuk do të jemi, përsëri dëshiroj më të mirën për ty. Të dua tani dhe përgjithmonë”, shkroi modelja Kadiu në InstaStory.

E njëjta madje ka publikuar edhe një fotografi me këngëtarin, në mbishkrimin e së cilës shkruan “Ti do të jesh gjithmonë miku im më i mirë”.

Më pas, ajo publikoi edhe një shkrim tjetër ku shpjegonte se gjithçka mes tyre kishte nisur pasi ai ishte ndarë nga gruaja e tij.

“Doja të doja të bëja të qartë një gjë përpara se të ketë vend për më shumë gjykim: nuk e prisha unë martesën. Unë nuk kam prishur një familje. Marrëdhënia ime me Robertin filloi rrugën pasi ai dhe ish-gruaja e tij i dhanë fund martesës së tyre. Jam rritur nga një familje e bukur që ka moral dhe respekt dhe më kanë mësuar të mësoj nga gabimet. Kështu që para se të gjithë të gjykoni, mbani mend se kjo situatë mbase askush nga ju nuk do ta kuptojë ndonjëherë dhe kjo është në rregull, por unë po ju kërkoj të gjithëve të mendoni para se të flisni dhe të bëni akuza të rreme”, shkroi tutje ajo.

Robert Berisha përndryshe kishte njoftuar në gusht të vitit të kaluar për ndarjen e tij nga ish-bashkëshortja, këngëtarja Nora Istrefi.