Garë e fortë po zhvillohet për kryeqytetin.

Këtë e dëshmojnë edhe rezultatet e publikuara nga Komisioni Qendror i Zgjedhjeve.

Sipas KQZ-së, dallimi mes Përparim Ramës së LDK-së dhe Hajrulla Çekos së VV-së, aktualisht është veç 730 vota.

Rama ka marrë 34 mijë e 752 vota, kurse Çeko i ka 34 mijë e 22 vota.

Aktualisht janë të numëruara 98.88 përqind e votave, apo kanë mbetur veç edhe tri kuti pa u numëruar.

Meqë asnjëri nga kandidatët nuk ka arritur të sigurojë mbi 50% të votave, Rama dhe Çeku do të përballen në balotazh më 9 nëntor, për të vendosur se kush do ta udhëheqë Prishtinën për katër vitet e ardhshme.