Dymbëdhjetë anëtarë të ushtrisë amerikane u plagosën, dy prej të cilëve rëndë, në një sulm iranian në bazën ajrore Prince Sultan në Arabinë Saudite, tha një zyrtar amerikan për agjencinë e lajmeve Reuters të premten.

Për aq sa dihet, më shumë se 300 ushtarë amerikanë janë plagosur në vendet e rajonit që kur filloi lufta SHBA-Izrael kundër Iranit më 28 shkurt.

Uashingtoni thotë se 273 prej tyre janë rikthyer në detyrë. Trembëdhjetë ushtarë janë vrarë, sipas shifrave zyrtare.

Ndërkohë raportohet se pesë persona u plagosën në një zonë industriale në Emiratet e Bashkuara Arabe pasi Irani qëlloi raketa lundruese dhe balistike, si dhe dronë, thanë autoritetet e Emirateve të Bashkuara Arabe.

Ministria e mbrojtjes e Emirateve të Bashkuara Arabe tha se mbrojtja ajrore iu përgjigj raketave dhe dronëve që vinin nga Irani gjatë një sulmi në Gjirin Persik, një muaj pasi filloi lufta rajonale, raportoi WAM.