Analisti politik, Faton Avdullahu, ka bërë me dije se rezultati i zgjedhjeve për kryetar të komunës së Podujevës nuk mund të merren si barometër real për zgjedhjet parlamentare në Kosovë.

Në profilin e tij në “Facebook”, ai ka përmendur tri arsyeje se pse këto zgjedhje nuk mund të jenë barometër për zgjedhjet e parakohshme.

Postimi i plotë i Abdullahut:

Podujeva dhe VV-ja

Rezultatet e zgjedhjeve në Podujevë nuk mund të merren si barometër real për zgjedhjet parlamentare (qendrore) në Kosovë.

1) Sepse Podujeva nuk e vuri në sprovë  VV-n me atë në çka VV ishte dhe është më e dobta -proamerikanizmin e saj. Ndërkohë që kjo punë është vitale dhe arsyeja pse Qeveria Kurti është shkarkuar nga të gjithë të tjerët.

2) Sepse Podujeva nuk e vuri në sprovë mungesën e guximit të VV-së për tu ballafaquar me dialogun me Serbinë. Një kryeministër tutcan në këtë segment që nuk do të përlyhet vet për ta nxjerrë Kosovën nga lloqi, nuk bën ti lihet timoni i Kosovës në dorë.

3) Sepse Podujeva nuk e vuri në sprovë mungesën e prirjes së VV-s për të gjetur dhe ndërtuar raport konstruktiv me një partner tjetër politik. Pa këtë s’ka gjasa VV të krijoi një qeveri në Kosovë.