Policia e Kosovës ka njoftuar se dje janë gjetur mbetje eshtërore në Rahovec.

Sipas raportit 24 orësh të policisë, dyshohet se këto mbetje i përkasin së paku një personi të zhdukur nga lufta e fundit në Kosovë.

Policia ka treguar se mbetjet eshtërore janë dërguar në IML për ekzaminime mjeko-ligjore.

“Rahovec / 25.03.2026 – NN. Nga njësitë kompetente policore dhe institucionet përkatëse janë vazhduar punimet në vendin e cekur, dhe gjatë gërmimeve janë gjetur mbetje eshtërore, të cilat dyshohet se i përkasin së paku një individi/personi, i cili figuron në listën e personave të zhdukur me forcë gjatë luftës së fundit në Kosovë 1998-1999. Mbetjet eshtërore janë dërguar në IML për ekzaminime mjeko-ligjore”, është thënë në raportin policor.