Policia turke në kërkim të 150 ‘gulenistëve’

04 janar 2019 | 11:12

Policia turke të premten ka nisur bastisjet në mbarë vendin për të kapur afro 150 persona, duke përfshirë personelin ushtarak, të dyshuar për lidhje me grupin e fajësuar për grushtin e përpjekjeve të vitit 2016, kanë njoftuar mediet lokale.

Prokurorët në Stamboll, Konia dhe Ankara lëshuan urdhër-arrestet për 137 vetë si pjesë e hetimeve të ndryshme për ndjekësit e predikuesit mysliman me vendbanim në ShBA, Fethullah Gulen, kanë njoftuar agjencia e lajmeve “Anadolu” dhe transmetuesi “NTV”.

Turqia pretendon se Guleni ka urdhëruar përpjekjen e grushtit të shtetit kundër presidentit Rexhep Taip Erdogan më 15 korrik 2016, një akuzë që Guleni e ka mohuar në vazhdimësi.

Bastisjet janë zhvilluar në më shumë se 30 provinca, përfshirë Ankaranë, ku prokurori publik ka lëshuar urdhër-arrest për 35 oficerë të joaktivë të marinës, duke përfshirë edhe 10 akoma në detyrë aktive.

Dhjetëra mijëra njerëz janë arrestuar në lidhje me dyshimet se janë pjesë e organizatave të Gulenit që nga viti 2016, ndërsa mbi 100 000 janë shkarkuar ose pezulluar nga sektori publik.

Edhe pse Ankaraja është kritikuar nga mbrojtësit e të drejtave të njeriut dhe aleatët e saj perëndimorë mbi shkallën e goditjes, bastisjet kanë vazhduar në javët e fundit.

Zyrtarët turq kanë theksuar se operacionet janë të nevojshme për të hequr “virusin” e shkaktuar nga infiltrimi i lëvizjes së Gulenit të institucioneve kryesore turke.

Lajme të sponsorizuara

Të fundit
Milani pati bërë sondazhe për ta veshur kuqezi, por në…