Prishtinë, Presidenti i Federatës së Futbollit të Kosovës (FFK), Agim Ademi, ka takuar futbollistin e Kombëtares së Kosovës, Arbër Zenelin.

Ai ka thënë se me Arbërin ka biseduar për “karrierën e tij, rikuperimin pas lëndimit, kthimin në nivelin elitar, por edhe evokuam kujtime nga ndeshjet dhe paraqitjet e tij të paharrueshme me ekipin kombëtar”.

Ademi ka thënë se Arbër Zeneli mbetet një aset i çmuar për Kosovën.

“Sot pata kënaqësinë të takoj një futbollist të jashtëzakonshëm dhe një djalë fantastik, anëtarin e ekipit tonë kombëtar, Arbër Zenelin. Me Arbërin folëm për karrierën e tij, rikuperimin pas lëndimit, kthimin në nivelin elitar, por edhe evokuam kujtime nga ndeshjet dhe paraqitjet e tij të paharrueshme me ekipin kombëtar, me shpresën se së shpejti do të jetë sërish pjesë e kombëtares sonë. Arbëri mbetet një aset i çmuar për Kosovën”, ka shkruar Ademi në “Facebook”.