Presidenti i Shqipërisë, Ilir Meta, ka vizituar familjen e ish-presidentit Ibrahim Rugova.

Meta përmes një postimi në llogarinë e vet në “Facebook”, ka shkruar: “Përherë kënaqësi të takoj në Prishtinë familjen e dashur dhe të respektuar të Presidentit historik të Kosovës, Dr. Ibrahim Rugova”.

Ai ka treguar se në bisedën e ngrohtë dhe shumë miqësore në familjen Rugova ka ndarë plot kujtime të shtrenjta për angazhimin jetësor të ish-presidentit Rugova për Kosovën Republikë, në paqe, të lirë, të pavarur e demokratike, me orientim të qartë properëndimor, në bashkëpunim e fqinjësi të mirë në rajon.

/Epoka e re/