Presidenti i Kroacisë, Zoran Milanoviç, do të vizitojë Bosnjën këtë javë.

Kjo në një vizitë zyrtare për të festuar 30-vjetorin e formimit të Këshillit Kroat të Mbrojtjes (HVO).

Disa nga ish-oficerët e HVO-së janë dënuar si përgjegjës për krimet e luftës në Bosnjë.

“A do të kthehet edhe Milanoviç në Bosnje më 16 prill për të respektuar 116 civilët e masakruar nga Këshilli Kroat i Mbrojtjes në fshatin Ahmići?”, shkruan studiuesi boshnjak, Smajo Beso.

Ai i ka dërguar një letër ambasadorit të Bashkimit Evropian në Bosnjë, Johan Sattler, ku i kërkon një takim dhe përgjigje.

Pyetja është shumë e thjeshtë:

“Nëse këta do të ishin politikanë myslimanë boshnjakë që festojnë me kriminelët e luftës, festojnë përdhunimin dhe masakrën e civilëve – a do të heshtte BE-ja?”.

Kjo nuk është hera e parë që presidenti kroat ka mbrojtur apo takuar këtë njësi.

Vitin e kaluar ai u kritikua, sepse mbrojti vendimin e tij për t’u takuar me ish-oficerët e forcës kroate të Bosnjës të kohës së luftës.

Duke përfshirë një ish të dënuar të burgosur për krime lufte nga Gjykata e Hagës.

Ai mbrojti vendimin e tij për të takuar ish-oficerët e HVO-së përfshirë Tihomir Blaskiç, i cili vuajti një dënim me burg për rolin e tij në krimet e kryera gjatë luftës në Bosnjë pasi u dënua nga gjykata e Kombeve të Bashkuara në Hagë.

Milanoviç e cilësoi dënimin e Gjykatës së Hagës për Blaskiçin si një “vendim politik”.

Gjykata Penale Ndërkombëtare për ish-Jugosllavinë, GJPNJ, fillimisht e dënoi Blaskiçin me 45 vjet burg për urdhërimin, planifikimin, kryerjen dhe asistimin dhe mbështetjen e krimeve kundër boshnjakëve në 1993.

Krimet për të cilat ai u akuzua përfshinë planifikimin dhe urdhërimin e një sulmi në fshatin boshnjak të Ahmici në prill 1993.

Në këtë fshat u vranë më shumë se 100 civilë boshnjakë, kryesisht gra dhe fëmijë, si dhe shkatërrimin e pronës, përndjekjen dhe përdorimin e të burgosurve si mburoja njerëzore.

Milanoviç priti gjithashtu Milivoj Petkoviçin, një ish-komandant i HVO-së i cili po vuan një dënim për krime kundër njerëzimit pasi u dënua nga gjykata e Kombeve të Bashkuara. Ai e mbrojti gjithashtu Petkoviçin në gusht të vitit të kaluar, kur ai deklaroi se “jo të gjithë ata që u dënuan në Hagë ishin kriminelë lufte”.

?? Croatia’s President Zoran Milanović is visiting Bosnia this week to celebrate the 30th anniversary of the formation of the Croatian Defence Council (HVO), which was responsible for war crimes in Bosnia.

Will @josattler, as the EU ambassador to Bosnia, comment on this? pic.twitter.com/xAw2EL3WvU

— Smajo Bešo (@SmajoBeso) April 4, 2022