Presidenti i Kosovës, Hashim Thaçi, ka nderuar me dekorata disa zyrtarë dhe personalitete nga Japonia të cilët kanë kontribuar në Kosovë dhe për Kosovën.

Në profilin e tij në “Facebook”, ai ka shkruar se këtyre personaliteteve u ka shprehur mirënjohjen që bënë gjënë e duhur në kohën e duhur.

“Dekorata të Republikës së Kosovës sot ndava për shumë zyrtarë dhe personalitete nga Japonia, që kanë kontribuar në Kosovë dhe për Kosovën. Në një ceremoni të organizuar në ndërtesën e Kuvendit të Japonisë në Tokyo, u shpreha atyre mirënjohje që bënë gjënë e duhur në kohën e duhur”, ka shkruar Thaçi.