Presidenti Thaçi pranoi letrën e urimit nga presidenti francez, Emmanuel Macron

19 shkurt 14:02

Presidenti i Republikës së Kosovës, Hashim Thaçi, ka pritur në takim Bruno Questel, përfaqësues zyrtar i Francës, i cili ia ka dorëzuar presidentit Thaçi, letrën e urimit të presidenti të Francës, Emmanuel Macron për dhjetëvjetorin e pavarësisë.

Me këtë rast presidenti Thaçi ka falënderuar atë për pjesëmarrjen në festimet e dhjetëvjetorit të pavarësisë së Kosovës.

“Vlerësoj lartë vizionin e presidentit Macron për perspektivën e qartë që shtetet e Ballkanit Perëndimorë  duhet të kenë për anëtarësim në Bashkim Evropian”, ka thënë Thaçi.

Ai ka theksuar se roli i Francës në rajon është shumë i rëndësishëm në sigurimin e paqes afatgjatë dhe krijimin e stabiliteti të qëndrueshëm.

Thaçi ka thënë se marrëdhëniet e mira bilaterale me Francës duhet t’i forcojmë edhe në ekonomi, arsim dhe kulturë.

Nga ana tjetër, Bruno Questel, përfaqësues zyrtar i Francës në emër të presidentit Macron ka uruar presidentin dhe gjithë qytetarët për dhjetëvjetorin e pavarësisë së Kosovës.

 

Lajme të sponsorizuara

Të fundit
Ministri i Inovacionit dhe Ndërmarrësisë, Besim Beqaj,  po merr pjesë…