Presidentit gjerman viziton një xhami, imami shqiptar i përkthen kuptimin e ezanit

02 dhjetor 23:33

Presidenti gjerman, Frank Walter Steinmeier, ka vizituar një xhami në qytetin gjerman Penzberg, ku është pritur nga imami i kësaj xhamie, Benjamin Idrizi, i cili është me origjinë nga Shkupi, transmeton Anadolu Agency (AA).

Gjatë vizitës së kësaj xhamie e cila vepron në kuadër të Bashkësisë Islame në Penzberg, presidenti Steinmeier shoqërohej nga gruaja e tij, Elke Budenbender dhe nga ministri i brendshëm i shtetit gjerman Baravia, Joachim Hermann.

Në kuadër të vizitës, presidenti gjerman u informua rreth aktiviteteve të xhamisë nga imami Benjamin Idrizi dhe nga nënkryetarja e Bashkësisë Islame në Penzberg, Gonul Yerli.

Yerli, ndër të tjera, i shpjegoi presidentit Steinmeier se ezani në të gjithë botën këndohet në gjuhën arabe, ndërkohë e informoi edhe lidhur me aktivitetet që i realizojnë në xhami.

Ndërkaq, imami Benjamin Idrizi, i cili shoqëroi presidentin Steinmeier gjatë vizitës në xhami, i përktheu atij në gjuhën gjermane kuptimin e ezanit. Steinmer vlerësoi aktivitetet e Bashkësisë Islame në Penzberg dhe shprehu kënaqësi për aktivitetet që realizon kjo xhami edhe për jo-myslimanët.

Fjalët Kyçe:

Lajme të sponsorizuara

Të fundit
Ish-deputeti Milaim Zeka në emisionin  DPT te Fidan Jupolli në…