Presidentja e Kosovës, Vjosa Osmani, ka reaguar pas fillimit të pushtimit të Ukrainës nga Rusia.

Me një shkrim në “Twitter”, Osmani ka thënë se Kosova qëndron me Ukrainën dhe popullin e saj.

“Kosova qëndron me Ukrainën dhe njerëzit e saj, teksa po përballen me pasojat e një lufte të paprovokuar si rezultat i veprimeve të agresionit nga Rusia”, ka shkruar ajo.

“Do të bashkëpunojmë me aleatët tanë që të ndalim çfarëdo destabilizimi në rajonin tonë. Hegjemonia ruse nuk do të ketë sukses. Liria dhe demokracia do të mbizotërojnë”, ka shkruar presidentja Osmani.