Komuna e Prishtinës do të bëjë ndarjen e çmimit “Laureatët e Sportit”.

Ceremonia e ndarjes së çmimeve do të mbahet nesër, duke filluar nga ora 19:00, në Sallën e Kuqe të Pallatit të Rinisë, raporton “Epoka e re”.

“Kryeqyteti vazhdon traditën e ndarjes së çmimit ‘Laureatët e Sportit’ për vitin 2025, duke vlerësuar sportistët më të dalluar të Prishtinës për punën, kontributin e çmuar, rezultatet e arritura dhe promovimin e kryeqytetit në nivel vendor dhe ndërkombëtar”, thuhet në njoftim.