Riyad Mahrez është shumë pranë rinovimit të kontratës me Manchester Cityn.

Sulmuesi algjerian, i cili paguhet me 160 mijë paund në javë në “Etihad”, ka edhe një vit kontratë me kampionët e Anglisë.

Por 31-vjeçari pritet të rinovojë me “Qytetarët”, ndërsa nga marrëveshja e re pritet të ketë të njëjtën pagë.

Kontrata e re do të jetë 3-vjeçare me opsionin për ta rinovuar për një tjetër sezon.

Mahrez, i cili u ble nga Leicester City në 2018-ën për 60 milionë paund ka shënuar 63 gola në 189 ndeshje për skuadrën e Guardiolës.