Bylbyl Sokoli është emëruar trajner i SC Gjilani. Lajmin është bërë i ditur nga faqja zyrtare e skuadrës gjilanse në “Facebook”.

“Profa” edhe në të kaluarën e ka drejtuar këtë skuadër, derisa tash debutimin do ta bëjë në ndeshjen e 1/16 së finales së Kupës së Kosovës ndaj KEK-ut.

Njoftimi i SC Gjilani:

MIRËSEVJEN ‘PROFA’!

Sport Club “Gjilani” njofton se ka arritur marrëveshje me trajnerin Bylbyl Sokoli për të marrë drejtimin e skuadrës.

Debutimin për këtë edicion ai do ta bëjë në ndeshjen e 1/16 së finales së Kupës së Kosovës ndaj KEK-ut.

Kjo do jetë kontrata e dytë e punës e Sport Club “Gjilani” dhe trajnerit Sokoli, i cili kishte drejtuar skuadrën dhe katër edicion më parë.

Profesor Sokolit i urojmë mirëseardhje dhe shumë sukses drejt realizimit të objektivave që ka vendosur klubi.

(Epoka e re)