Kryetari i Komunës së Prishtinës, Përparim Rama, ka bërë të ditur se projekti për TRAM-in elektrik nuk do të rëndojë buxhetin e kryeqytetit. Sipas tij, realizimi i këtij projekti është konceptuar në partneritet me sektorin privat dhe nuk kërkon ndarje të fondeve komunale.

Përmes një postimi në Facebook, Rama ka sqaruar se TRAM-i elektrik do të financohet përmes kapitalit privat, në kuadër të marrëveshjeve të nënshkruara me operatorët privat.