Në kuadër të bashkëpunimit ndërkombëtar dhe angazhimeve të vazhdueshme për forcimin e sundimit të ligjit, Kryeprokurori i Prokurorisë Speciale z.Blerim Isufaj, i shoqëruar nga prokurori Shahadin Destani dhe hetues të Policisë së Kosovës nga Drejtoria për hetimin e Krimeve Ekonomike dhe Korrupsionit, zhvilloi një takim me përfaqësues të autoriteteve të Spanjës, Francës, Italisë, Gjermanisë, Shqipërisë Britanisë së Madhe dhe EUROPOL-it.

Gjatë takimit, u theksua rëndësia e veçantë e shkëmbimit të përvojave, praktikave më të mira profesionale dhe ekspertizës në hetimin dhe ndjekjen penale të rasteve të krimit të organizuar, korrupsionit, pastrimit të parave dhe veprave të tjera penale me karakter ndërkufitar.