Nuk ndalen problemet për kryeministrin Netanjahu, teksa lufta në Gaza ka hyrë në muajin e saj të gjashtë.

Pas kritikave nga ndërkombëtarët për dhunën pa limit në Rripin e Gazës, lideri izraelit po përballet dhe me zemërimin në rritje të popullit të tij.

Mijëra njerëz u mblodhën të shtunën në rrugët e Tel Avivit ku kërkuan dorëheqjen e kryeministrit dhe zgjedhje të reja parlamentare.

Shumë izraelitë akuzojnë Netanjahun për sulmin e Hamasit më 7 tetor si dhe reagimin e pamjaftueshëm për lirimin e pengjeve civile, që janë në duart e militantëve.