Partia Socialdemokrate (PSD) ka organizuar një aksion simbolik para selisë qendrore të PDK-së dhe LDK-së për shkak të takimit të Bedri Hamzës dhe Lumir Abdixhikut me kryeministrin dhe liderin e Lëvizjes Vetëvendosje, Albin Kurti me të cilin ka diskutuar për çështjen e presidentit të vendit.

Ky veprim i Hamzës dhe Abdixhikut  është kundërshtuar nga PSD-ja, ku të enjten kjo parti në mënyrë simbolike ia ka ndarë Hamzës dhe Abdixhikut kartelën e Lëvizjes Vetëvendosje.

Kryetari i PSD-së, Dardan Molliqaj, ka thënë se PDK-ja dhe LDK-ja janë shndërruar në degë të Vetëvendosjes, ndërsa Hamza dhe Abdixhiku “anëtarë nderi” të kësaj lëvizje.