Sipas “L’Équipe”, Paris Saint-Germain po punon për të shitur katër futbollistë, pavarësisht largimeve të afërta të Randal Kolo Muani dhe Nordi Mukiele.

Kolo Muani pritet të transferohet te Juventusi në ditët në vijim, duke realizuar dëshirën e tij të kahershme, ndërsa Mukiele është pranë kalimit te Sunderland në Ligën Premier.

Ndërkohë, Marco Asensio, Renato Sanches, Carlos Soler dhe Ilyes Housni mbeten në listën e lojtarëve që PSG synon të largojë.

Asensio ka zgjuar interes, por kërkesat e tij financiare kanë dekurajuar klubet e interesuara, përfshirë Fenerbahçen, megjithëse një rikthim i mundshëm në Aston Villa është ende në diskutim.

Renato Sanches përballet me interes të kufizuar për shkak të lëndimeve të shpeshta, duke e bërë të vështirë për drejtorin sportiv Luis Campos të gjejë një destinacion për të.

Carlos Soler po kërkon rikthimin në La Liga, me Atletico Madridin që shihet si opsioni kryesor pasi Villarreal është tërhequr nga bisedimet.

Ilyes Housni ka marrë pak interesim, kryesisht nga disa klube të Ligue 2.

PSG synon t’i zgjidhë këto largime përpara datës 1 shtator, kur mbyllet afati kalimtar në Francë.