Aktivistja e Partisë Demokratike të Kosovës (PDK), Teutë Rrusata, i ka reaguar ashpër Ministrisë së Drejtësisë (MD), e cila ka treguar shifrat në lidhje me ndarjen e mjeteve për mbrojtjen e krerëve të UÇK-së.

Ajo ka vlerësuar se procesi ndaj krerëve të UÇK-së nuk mund të përkthehet në shifra.

Rrusta ka shkruar në “Facebook” se rryma politike që dominon sot në politikën vendore e sheh luftën çlirimtare si diçka që ka qenë e shmangshme.

Kjo rrymë, sipas saj, vlerëson se kjo luftë po i kushton Kosovës.

“Edhe? Se nuk po e kuptoj pse kjo paraqet lajm. Çështja për të cilën bëhet fjalë nuk përkthehet në shifra. Dëmi është i përmasave historike, por kjo rryma politike që dominon sot në politikën vendore e sheh luftën çlirimtare si diçka që ka qenë e shmangshme, rrjedhimisht po na kushton”, ka shkruar Rrusta.