Pula: Koncept-dokumenti i Fondit Sovran i është dorëzuar qeverisë

06 maj 2022 | 15:49

Kryetari i Grupit Punues për hartimin e draftit përfundimtar të koncept-dokumentit për themelimin e Fondit Sovran, Besnik Pula, ka bërë me dije se Qeverisë së Kosovës i është dorëzuar ky dokument pas komenteve që kanë pranuar prej daljes në publik.

“Kemi marrë komentet e qytetarëve, institucioneve vendore dhe ndërkombëtare dhe së fundmi e kemi dorëzuar në qeveri ku pritet të kalojë së shpejti në miratimin përfundimtar”, është shprehur Pula për “Klan Kosovën”.

Ai ka theksuar se vlerësimet për draftin e dokumentit kanë qenë pozitive. “Ka pasur komente nga aspektet e ndryshme si financimi, ndikimi buxhetor që mund të ketë deri të aspektet teknike të veprimtarisë. Dokumenti është hap i parë, pastaj duhet të kalojë në proces të hartimit të ligjit dhe të dalë në diskutim parlamentar”.

Pula ka thënë se me Fondin Sovran synohet që të bëhet riorganizimi i sektorit publik që ka karakter komercial. “Fondi është alternativë solide se si të ruhet pronësia e ndërmarrjeve publike, pronësia e të cilave mbetet e shtetit dhe me këtë rriten gjasat për mirëmbajtje të punësimit dhe ruajtje të benefiteve që të sillet përmes dividendëve”, ka deklaruar Pula

Lajme të sponsorizuara

Të fundit
Në 23-vjetorin e vrasjes, Presidentja e Kosovës, Vjosa Osmani ka…