Punëtorët suedezë në grevë kundër prodhuesit të makinave “Tesla”
27 tetor 2025
| 08:43
Në Suedi, 70 mekanikë makinash po vazhdojnë të përballen me një nga kompanitë më të pasura në botë – “Tesla”.
Greva në 10 qendrat suedeze të shërbimit të prodhuesit amerikan të makinave tani ka arritur në përvjetorin e saj të dytë dhe ka pak mundësi për një zgjidhje.
Greva ka të bëjë me një çështje që prek thelbin e kulturës industriale suedeze – të drejtën e sindikatave për të negociuar pagat dhe kushtet në emër të anëtarëve të tyre.
Ky koncept i marrëveshjes kolektive ka qenë në themel të marrëdhënieve industriale në Suedi për gati një shekull.
Sot rreth 70 % e punëtorëve suedezë janë anëtarë të një sindikate dhe 90% mbulohen nga një marrëveshje kolektive. Grevat në Suedi janë të rralla.
