Kryeministri i Shqipërisë, Edi Rama, ka bërë me dije se punimet në tunelin e Skërficës janë drejt përfundimit, me të cilin hapet përfundimisht edhe rruga e re dhe e shumëpritur Kardhiq-Delvinë.

Rama përmes një postimi në llogarinë e vet në “Facebook”, ka shkruar se kjo rrugë do të zbulojë një tjetër pjesë të mrekullueshme të Shqipërisë, duke shkurtuar njëkohësisht kohën e udhëtimit drejt Sarandës me 45 minuta.