Reperi “Mozzik” ka ftuar dëgjuesit e vet të pëkrahin masivisht gazetarin Lirim Mehmetajt, për të cilin shprehu adimirim për mënyrën se si ushtron zanatin e tij.

“Qerpiku s’i lëviz – ama bash 00:00”, shkroi ai.

Postimi i plotë:

Shembull!

Nuk e njoh personalisht, s’e kam takuar asnjëherë në jetë, por e përcjell prej shumë kohësh.
Ky nuk është as politikan, as prokuror, as gjyqtar, e as polic.
Është një gazetar — por për mua është gazetari me vizionin më të qartë dhe më të pastër ndonjëherë. ( Lirim Mehmetaj )
A është e lehtë? S’e besoj.
Të luftosh për të zbuluar krime, hajni që askujt s’ia merr mendja se kanë mundur të ndodhin…
Ku dua të dal?
Ky, mbi të gjitha, për mua është një shembull i të qenurit gazetar.
Qerpiku s’i lëviz — ama bash 00:00.
Më pëlqen çdo lëvizje e tij: me fakte, me letra, jo muhabete “kam dëgjuar, më kanë thënë”, por me letra — tamam siç duhet.
Unë nuk jam këtu për të dhënë vlerësime se sa e mirë është puna e tij.
Por e di që qëllimi i tij është ta informojë secilin qytetar për zhvillimet e pushtetit momental.
Andaj ju ftoj ta përcillni e ta përkrahni masivisht këtë zë të guximshëm që i ka munguar Republikës sonë.
Të uroj gjitha të mirat gjatë këtij rrugëtimi!
Respekt nga një Artist i Kosovës! 🇽🇰

Mozzik