Qeveria emëron bordin e “Ibër Lepencit” (Emrat)
30 prill 2022
| 14:56
Qeveria e Kosovës në mbledhjen që është duke e mbajtur këtë të shtunë ka miratuar emrat e gjashtë anëtarëve të Bordit të Drejtorëve të ndërmarrjes publike, “Ibër Lepenci”.
Kryesues u caktua Bajram Mustafa, ndërsa si anëtar janë emëruar Violeta Hoxha, Denis Dautaj, Valmire Latifi, Avdullah Nishori dhe Myzafer Luma.
Kreu i ekzekutivit, Albin Kurti, në mbledhje deklaroi se në konkursin e shpallur për bord të “Iber Lepenci” kishin aplikuar 110 kandidatë, ndërsa në listën e ngushtë ishin përzgjedhur 59 kandidatë.
Gjatë periudhës së ankesave, ishin pranuar 14 ankesa ku 9 prej tyre janë vlerësuar të drejta.
Mandati i këtij bordi është trevjeçar.