Kryesuesi i KQZ-së, Kreshnik Radoniqi, ka pritur të martën në takim ambasadorin e Turqisë në Kosovë, Tunç Angılı.

Në këtë takim, Radoniqi njoftoi ambasadorin turk lidhur me angazhimet aktuale të KQZ-së dhe të cilat ndërlidhen me procesin parapërgatitor për organizimin e zgjedhjeve lokale, të cilat do të mbahen gjatë këtij viti.

Nga ana e tij, ambasadori Angılı shprehu gatishmërinë e ambasadës turke për të mbështetur Komisionin Qendror të Zgjedhjeve.

Po ashtu, në këtë takim u diskutua edhe për mundësinë e bashkëpunimit në fushën e zgjedhjeve ndërmjet KQZ-së së Republikës së Kosovës me institucionet e Republikës së Turqisë.