Kryeministri i Shqipërisë, Edi Rama po merr vëmendjen në samitin e Komunitetit Politik Evropian në Danimarkë, dhe kjo pasi një video e tij duke biseduar me presidentin francez, Emanuel Macron është bërë virale.

Rama në video dëgjohet duke i thënë Macronit të kërkojë falje, dhe shohim po ashtu një president tejet konfuz duke pyetur “pse?”.

“Sepse nuk na përgëzuat kur arritëm marrëveshjen e paqes midis dy vendeve. Dhe Presidenti Trump punoi shumë për këtë marrëveshje!”, është shprehur Rama duke tallur kështu Trumpin për keqinterpretimin e tij për një paqe mes Shqipërisë dhe Azerbajxhanit.

“Më vjen keq pra!”, i ka thënë  Macroni me buzëqeshje Ramës.

Derisa kryeministri i Shqipërisë ka vazhduar tutje duke thënë: “Ai punoi shumë. Kishim 500 vjet në konflikt!”.