Pas ultimatumeve të njëpasnjëshme për lirimin e hapësirave publike, kryeministri i Shqipërisë, Edi Rama inspektoi vetë nga afër disa bare e restorante në Vlorë.

Rama ka ndaluar në një restorant dhe u drejtuar një personi se duhet të heqë tavolinat dhe vazot jashtë, që të lirojë trotuarin për këmbësorët.

“Mirë është që t’i heqësh vetë”, dëgjohej të ketë thënë Rama.

‘Fushata’ e kryeministrit shqiptar për lirimin e hapësirave publike ka nisur prej ditësh, raporton Top Channel.