Seanca e parë e legjislaturës së re në Kuvendin e Shqipërisë ka nisur me debate dhe tensione nga ana e opozitës, pas kërkesës së kreut të Partisë Demokratike, Sali Berisha për të mbajtur fjalën për procedurë.

Në bllokadë atij i janë bashkuar edhe deputetët tjerë demokratë, Flamur Noka, Gazment Bardhi dhe të tjerë.

Mes debatesh është votuar vetëm me votat e mazhorancës komisioni për verifikimin e mandateve, ndërsa seanca e radhës është vendosur për sot në orën 17:00.

Për këto ngjarje në Kuvend ka reaguar kryeministri Edi Rama në “X”.

Ai ka thënë se ministrja e re e qeverisë së tij e krijuar me Inteligjencë Artificiale dhe e emëruar si “Diella” e “ka parë” atë që ka ndodhur në Kuvend dhe i ka “sugjeruar” Ramës që të mos e pengojë kundërshtarin derisa ‘ai gabon’.

Postimi i plotë i Ramës në “X”:

Diella pa parlamentin sot dhe sapo më tha:

Humbës nuk është kush rrëzohet, po është ai që gërmon aty ku ra!

Si i bëhet e pyeta?

Kurrë mos e pengo tha, kundërshtarin që po gabon.