Në një konferencë ku janë prezantuar projektet dhe modelet e rindërtimit për familjet e prekura nga tërmeti i 26 nëntorit, kryeministri i Shqipërisë, Edi Rama, ka deklaruar se procesi në fjalë do të nisë nga familjet më të prekura dhe me më pak të ardhura.

“Ata kanë më shumë se të tjerët domosdoshmërinë për të hyrë në një shtëpi të re. Synohet që brenda këtij viti të kemi sistemuar disa mijëra familje. Shtëpitë e para do të jenë për familjet në çadra që nuk duan të shkëputen nga tokat e tyre”, ka thënë Rama.